Ўзбекистон Миллий архив фондлари бўйича онлайн йўл кўсратгич

Туркистон АССР Халқ Комиссарлари Советининг 1919 йил 22 июлдаги декрети билан Туркистон ўлкаси аҳолини кўчириш бошқармаси (Турккраевак) тузилиб, 1920 йил 22 июлда Туркистон АССР ИИХК (НКВД) нинг Аҳолини (кўчириш) Эвакуация қилиш Марказий Бошқармаси (Туркцентроэвак) деб номланди.

Турк АССР Халқ Комиссарлари Советининг 1922 йил 27 октябрдаги қарори асосида аҳолини кўчириш органлари фаолияти тугатилиб, уларнинг вазифалари қисман Ер ишлари Халқ комиссарлигига ўтказилган.

Turkiston o‘lkasi Xalq Komissarlari Sovetining 1917 yil 23 noyabrdagi buyrug‘i bilan tashkil topgan. 1919 yil noyabrda Mehnat va ijtimoiy ta’minot xalq komissarligiga aylantirilib, 1920 yil 6 avgustda alohida Mehnat Xalq komisasarligi sifatida yana ajralib chiqdi. O‘rta Osiyoning milliy-hududiy chegaralanish siyosati natijasida 1924yil 24 dekabrda komissarlik faoliyati tugatilgan.

Turkiston o‘lkasi Xalq Komissarlari Sovetining 1917 yil 23 noyabrdagi buyrug‘i asosida tuzilgan.O‘rta Osiyodagi milliy-hududiy chegaralanish siyoati natijasida 1924 yil noyabrda komissarlik faoliyati tugatilgan.

Туркистон Советларининг 1918 йил 30 апрелдаги V қурултойи қарори билан Туркистон миллатлар ишлари бўйича халқ комиссарлиги ташкил этилган. Унинг вазифалари қуйидагилардан иборат эди: Совет ҳокимияти ғояларини тегишли миллатлар ўртасида ўз она тилида амалга ошириш; республика ҳудудида истиқомат қилувчи миллатлар орасида маданий ва синфий онгни юксалтириш учун барча чора-тадбирларни кўриш; барча миллий кўринишлардаги аксилинқилобга қарши кураш; миллий-буржуа ҳукуматларига қарши кураш; миллатлар бўйича статистик маълумотларни тўплаш.

Туркистон миллатлар ишлари бўйича халқ комиссарлиги 1919 йил 10 декабрда ўз фаолиятини вақтинча тўхтатиб, Туркистон АССР МИҚнинг 1921 йил 21 сентябрдаги қарори билан яна тикланди. Туркистон миллатлар ишлари бўйича халқ комиссарлиги Туркистон АССР МИҚнинг 1922 йил 14 июлдаги буйруғи билан тугатилган.

Туркистон ўлкаси Халқ Комиссарлари Советининг 1917-йил 23 ноябрдаги декрети асосида тузилган; 1922 йил 9 сентябрда Ўрта Осиё алоқа округига айлантирилган.

1918 йил 15 майда Туркистон АССР Марказий Давлат назорати тузилиб, у 1920 йил июнь ойида Туркистон АССР Ишчи-деҳқон инспекцияси халқ комиссарлиги сифатида қайта ташкил этилган. 1924 йил ноябрда Ўрта Осиёнинг миллий-ҳудудий чегараланиш сиёсати натижасида тугатилган.

Туркистон ўлкаси Халқ Комиссарлари Советининг 1917-йил 23 ноябрдаги буйруғи билан тузилган. Ўрта Осиёда ўтказилган миллий –ҳудудий чегараланиш сиёсати муносабати билан 1924 йил 24 ноябрда тугатилган.

Туркистон ўлкаси Халқ Комиссарлари Советининг 1917 йил 23 ноябрдаги буйруғи билан озиқ-овқат Халқ комиссарлиги сифатида ташкил этилган. 1918 йил 7 мартда у Туркистон ўлкаси Халқ Комиссарлари Совети қошидаги озиқ-овқат бўлимига айлантирилган. 1918 йил 15 июнда Туркистон Ўлкаси озиқ-овқат директорияси, 1919 йил декабрда яна Туркистон АССР озиқ-овқат халқ комиссарлиги сифатида ташкил этилди. Туркистон Марказий Ижроия Қўмитасининг 1923 йил 7 октябрдаги фармони билан Туркистон Озиқ-овқат Халқ Комиссарлиги тугатилган.

1920 йил 8 сентябрда ташкил қилинган. Ўрта Осиёнинг миллий чегараланиши муносабати билан ТурМИҚ, БухМИҚ ва ХорМИҚ нинг қўшма қарорига кўра 1924 йил 18 ноябрда тугатилган.

1920 йил 15 сентябрда ташкил этилган, 1924 йил 17 ноябрда тугатилган.

1920 йил октябрда БХСР Халқ Маориф Нозирлиги қошида Вақф бўлими ташкил этилди. 1921 йил 7 июлда БХСР Марказий вақф бошқармаси деб номланди. 1924 йил 10 декабрда тугатилган.

1921 йил 4 майда БХСРнинг Меҳнат, ижтимоий таъминот ва соғлиқни сақлаш халқ нозирлиги тузилди; 1922 йилда БХСР Меҳнат кенгаши, 1923 йилда БХСР Марказий меҳнат бошқармаси бўлиб қайта ташкил этилди ва у 1924 йил ноябрда тугатилди.

Россия қизил хож жамияти ваколатлиси Бошқармаси ҳузуридаги Дам олиш уйи 1923 йил 19 май куни ташкил этилган. 1923 йил 10 сентябрда тугатилган. 1924 йил 24 апрелда қайта очилган ва Россия қизил хож жамияти ваколатлиси Бошқармаси ҳузуридаги Дам олиш уйи сифатида фаолиятини давом эттирган. Ёзги мавсум пайтларида, май, июнь, июль, август ойларида очилган ва яна ёпилган. 1924,1925 йиллардаги ва ундан кейинги фаолияти ҳақида фондда ҳужжатлар мавжуд эмас.

Бутуниттифоқ даволаш-санитар иши ходимлари саноат иттифоқи Туркистон бўлими Ўлка қўмитаси 1919 йил ноябрь ойида Тиббий-санитария ходимлари 1 Ўлка Қурултойида ташкил этилган. 1921 йил 25 июль куни Бутуниттифоқ Касаба уюшмасининг Марказий Кенгаши Туркистон бюроси Қарорига асосан амалда тугатилган.

Бутуниттифоқ даволаш-санитар иши ходимлари саноат иттифоқи Туркистон бўлими Ўлка қўмитасининг Тиббиёт ходимлари Иттифоқи вилоят бўлимларидан келган вакиллари иштирокидаги 1921 йил 21 июлдаги кенгайтирилган Пленумида Бутуниттифоқ даволаш-санитар иши ходимлари касба уюшмаси Марказий қўмитаси Туркистон бюроси ташкил этилди.

1918 йилдан Туркистон АССР Халқ меҳнат комиссарлиги ҳузурида ижтимоий таъминот бўлими мавжуд бўлган. 1919 йил ноябрда Халқ меҳнат комиссарлиги Халқ меҳнат ва ижтимоий таъминот комиссарлиги деб қайта номланган, 1920 йил 6 августда эса Ижтимоий таъминот Халқ Комиссарлиги ташкид этилган. 1924 йил Ўрта Осиёнинг миллий-ҳудудий чегараланиши ислоҳати натижасида унинг фаолияти тугатилган.

1922 йил 20 июндаги Туркистон АССР Марказий Ижроия Қўмитаси қарори билан Туркистон Ижроия қўмитаси (Армия бўйича Марказий Қўмита) қошида қизил армия аскарларига ёрдам кўрсатиш Марказий комиссияси ташкил этилган. Туркистон АССР Марказий Ижроия Қўмитасининг 1924 йил 13 январдаги буйруғи билан Уруш ногиронлари, бемор ва ярадор қизилармия аскарлари ва уларнинг оилаларига ёрдам кўрсатиш Туркистон қўмитаси (Туркомпом) этиб қайта ташкил этилган. Қўмита Ўзбекистон ССР Инқилоят Қўмитаси қарори билан 1924 йил 28 декабрдаги қарори билан тугатилган.

Туркистон АССР Халқ Комиссарлари Кенгаши ҳузуридаги олимлар турмуш тарзини яхшилаш бўйича Комиссия 1922 йил 13 ноябрда Тошкент шаҳрида ташкил этилган. 1924 йил 2 июлда тугатилган.

ЎзССР Ер ишлари Халқ Комиссарлиги ҳузуридаги Туркистондаги 2-Умумроссия қишлоқ-хўжалик ер ва шаҳар рўйхатга олиш бўлими 1917 йил вақтинчалик ҳукумат томонидан ташкил этилган.

7,12,26-сон мактаблари, 5-сон Қирғиз болалар уйи,12-сон болалар иттифоқи, 13-сон ўсмирлар уйи, Архив иши Бошқармаси, Туркистон давлат кутубхонаси, Туркистон қадимги ашёлар ва санъат қўмитаси жамоаларини бирлаштирувчи маориф ходимлари 6-сон касаба уюшмаси бошланғич қўмитаси ҳузуридаги Меҳнат Илмий кенгаши бўлинмалар бирлашмаси 1924 йилда ташкил этилган. Тугатилиш санаси маълум эмас.

Туркистон АССР ижтимоий таъминоти Халқ комиссарлиги ҳузуридаги совет ва жамоат муассасалари касаба уюшмаси №31-сонли Маҳаллий Қўмитаси 1920 йил 6 августда ташкил этилган. 1924 йил октябрь ойида тугатилган.

Туркистон АССР ички ишлар Халқ комиссарлиги ҳузуридаги совет ва жамоат муассасалари касаба уюшмаси №39-сонли Маҳаллий Қўмитаси 1920 йил  Тошкент шаҳрида ташкил этилган. 1924 йил октябрь ойида тугатилган.

Туркистон АССР халқ хўжалиги Марказий Кенгаши ҳузуридаги совет ва жамоат муассасалари касаба уюшмаси №22-сон Маҳаллий Қўмитаси 1918 йил 1 ноябрда Тошкент шаҳрида ташкил этилган. 1924 йил 1 ноябрда тугатилган.

Истеъмолчилар жамиятлари Туркистон иттифоқи ҳузуридаги совет ва жамоатчилик муассасалари касаба иттифоқи 57-сон маҳаллий қўмитаси 1919 йил да Тошкент шаҳрида ташкил этилган. 1923 йил 17 декабрда тугатилган.

Бутуниттифоқ темирчи ишчилар касаба уюшмаси Туркистон туман Қўмитаси 1919 йилдан 1924 йилларгача Тошкент шаҳрида фаолият юритган.

Бутуниттифоқ темирчи ишчилар касаба уюшмаси Марказий Қўмитасининг Туркистондаги Ваколатхонаси 1921 йилдан 1922 йилларгача Тошкент шаҳрида фаолият юритган.

Халқ овқатланиш ва умумий ётоқхоналар касаба уюшмаси Туркистон ўлка қўмитаси 1921 йилда Тошкент шаҳрида фаолият кўрсатган.

Нонни тасарруф этиш бўйича Туркистон Марказий Ижроия Қўмитаси ваколатлиси Бошқармаси ҳузуридаги совет ва савдо хизматлари касаба уюшмаси 11-бошланғич қўмитаси 1923 йил 27 мартда Тошкент шаҳрида ташкил этилган ва 1924 йил 18 майга қадар фаолият юритган.

Мазкур фонд ташкил топиш ва тугатилиш саналари кўрсатилмаган. 1918 йилдан 1922 йилгача бўлган давр ҳужжатлари мавжуд.

Ўзбекистон ССР  касаба уюшмаларининг республика, туман ва вилоят қурултойлари ва конференциялари, касаба уюшмалари Бутуниттифоқ Марказий Кенгашининг Ўрта Осиё бюроси президиуми ва пленумлари, Ўзбекистон ССР  касаба уюшмалари Кенгаши, касаба уюшмалари марказий ва республика қўмиталари ва кенгашлари, завод ишчилари ва ишлаб чиқариш режалари ва дастурларини амалга ошириш бўйича корхона ва ташкилотларнинг маҳаллий қўмиталари, социалистик рақобат ва мехнат унумдорлигини оширган ишчилар, меҳнатни муҳофаза қилиш ва ижтимоий суғурта бўйича қарорлар ва баённомалар.

Касаба уюшмалари Бутуниттифоқ Марказий Кенгаши котибиятининг 1953 йил 13 апрелдаги қарори билан ташкил этилган. 1957  йилда тугатилган.

Ўрмон ва қоғоз саноати ходимлари касаба уюшмаси Марказий қўмитасининг 1953 йил 23 апрелдаги биринчи пленуми қарори асосида 1953 йил 15 май куни Тошкентда Ўзбекистон ССР  ўрмон ва қоғоз саноати ходимлари касаба уюшмаси қўмитасининг ташкилий бюроси ташкил этилган.

Республика қўмитаси президиуми аъзолари 1953 йил 30 сентябрда йиғилган касаба уюшмасининг биринчи республика конференциясида сайланган.

1956 йил 24 августдан бошлаб министрликлар қайта ташкил этилиши муносабати билан  Ўзбекистон ССР  ўрмон хўжалиги, қоғоз ва ёғочсозлик саноати ходимлари касаба уюшмаси Республика Қўмитаси деб номланган. 1957 йил 1 октябрда тугатилган.

Ўзбекистон ССР касаба уюшмалари кенгаши ташкилий бюросининг биринчи йиғилиши 1924 йил 3 декабрда бўлиб ўтган; Ўзбекистон ССР касаба уюшмалари кенгаши 1925 йил 21-26 март кунлари Ўзбекистон касаба уюшмаларининг 1-қурултойи томонидан сайланган; касаба уюшмалари Бутуниттифоқ Марказий Кенгаши президиумининг 1937 йил 21 майдаги қарори билан тугатилган.

1934 йилда СССР спиртли ичимликлар ва вино саноати ходимлари касаба уюшмасининг Ўзбекистон ССР бўйича ваколатли Марказий Қўмитаси ташкил этилди. 1937 йилда Ўзбекистон ССР спиртли ичимликлар ва вино саноати ишчилари Марказий Кенгашига айлантирилиб, кейинчалик Ўзбекистон ССР спиртли ичимликлар саноати ишчилари уюшмаси Қўмитаси деб номланган. 1939 йил 15 октябрда СССР спиртли ичимликлар ва вино саноати ишчилари касаба уюшмасининг Ўрта Осиё қўмитасига айлантирилган. Бутуниттифоқ касаба уюшмалари Марказий Кенгашининг 1941 йил 14 февралдаги қарори билан тугатилган.

Ушбу ташкилот 1941 йилда тугатилган Ўзбекистон Республикаси боғдорчилик ва узумчилик давлат хўжаликлари ишчилари уюшмаси негизида ташкил этилган. СССР озиқ-овқат саноати ишчилари касаба уюшмасининг 1949 йил 30 мартдаги 1-Конгресси қарори асосида тугатилган.

1936 йил декабрда Ўрта Осиё консерва саноати ходимлари касаба уюшмасининг ташкилий бюроси ташкил этилган.

1937 йил июл ойида консерва саноати ходимларининг Ўрта Осиё конференциясида СССР консерва саноати ишчилари иттифоқининг Ўрта Осиё қўмитаси тузилган.

1948 йил 1 ноябрда консерва саноати ишчилари касаба уюшмаси Марказий қўмитаси озиқ-овқат саноати ишчилари касаба уюшмасига қўшиб юборилиши муносабат билан 1948 йил 20 декабрда касаба уюшманинг Ўрта Осиё қўмитаси тугатилган.

1938 август 8 йилда олтин ва платина қазиб олувчилар касаба уюшмасининг Ўрта Осиё округ қўмитаси ташкил этилди. 1941 йилда олтин ва платина қазиб олиш бўйича ишчилар касаба уюшмасининг Ўрта Осиё республикалараро қўмитасига айлантирилган. Рангли металлургия ишчилари касаба уюшмаси Марказий қўмитаси президиумининг 1947 йил 3 октябрдаги қарори билан СССР рангли металлургия ишчилари касаба уюшмасининг Ўрта Осиё республикалараро қўмитасига айлантирилган. Бутуниттифоқ касаба уюшмалари Марказий Кенгашининг 1951 йил 9 октябрдаги қарори ва рангли металлургия ишчилари касаба уюшмаси Марказий қўмитасининг 1951 йил 20 октябрдаги қарори билан тугатилди. 

Бутуниттифоқ касаба уюшмалари Марказий Кенгашининг 6 йил 1934 октябрдаги IV Пленуми қарори асосида ташкил этилиб, 1948 йил 16 ноябрь куни тугатилган.

.

.

.

.

.

Қўмита 1925 йилда ташкил этилган. Фонд таркибида ташкилотнинг тугатилиш ҳақида ҳужжатлар тўлиқ сақланмаган.

Бутуниттифоқ касаба уюшмалари Марказий Кенгаши приезидиумининг 1924 йил 14 октябрдаги қарори билан Бутуниттифоқ касаба уюшмалари Марказий Кенгашининг Туркистон бюроси Бутуниттифоқ касаба уюшмалари Марказий Кенгашининг Ўрта Осиё бюросига айлантирилган. 1934 йилда тугатилган.

1930 йил 25 апрелда ташкил топиб, 1935 йилда тугатилган.

1934 йил 17 ноябрда ташкил этилиб, СССР МИҚ пленумининг қарори билан 1935 йил 25 июнда тугатилган.

1931 йилда ташкил этилиб, 1934 йилда 17 ноябрда жамиятнинг Ўрта Осиё республикаларида ташкил этилиши муносабати билан тугатилган.

1925 йил 1 апрелда ташкил этилган. СССР инқилоб жангчиларига ёрдам бериш халқаро жамияти Марказий қўмитаси Пленумининг 1948 йил 12 февралдаги қарори асосида тугатилган.

1924 йил 14 декабрда ташкил этилиб, 1927 йилда иттифоқ қишлоқ камбағалларининг оммавий кўнгилли ташкилотига айлантирилган.

1930 йилда Қўшчи Иттифоқи тугатилган.

Ўзбекистон ССР  инқилобий қўмитасининг 1924 йил 28 декабрдаги қарори билан уруш ногиронларига, касал қизил армия аскарларига ва қизил армия аскарлари оилаларига ёрдам бериш бўйича бутун Ўзбекистон қўмитаси (бутун Ўзбекистон қўмитаси) тузилди. 1931 йил декабрда  Ўзбекистон ССР  МИҚ Президиуми бутун Ўзбекистондаги уруш ногиронларига, касал ва ярадор қизил армия аскарларига ва уларнинг оилаларига (бутун ўзбеклар) кўмаклашиши жамиятини ўзгартиришга қарор қилган. 1936 йил 14 ноябрда  Ўзбекистон ССР  МИҚ қарори асосида тугатилган.

Туркистон АССР МИҚнинг 1922 йил 20 июндаги қарори билан Туркистон АССР МИҚ қошида қизил армия аскарларига ёрдам кўрсатиш бўйича Марказий комиссия тузилган. Туркистон АССР МИҚнинг 1924 йил 13 январдаги буйруғи билан уруш ногиронларига, касал ва ярадор қизил армия аскарлари ва уларнинг оилаларига ёрдам бериш бўйича Туркистон қўмитасига айлантирилган.  Ўзбекистон ССР  инқилобий қўмитасининг 1924 йил 28 декабрдаги қарори билан тугатилган.

Ўзбекистон ССР  инқилобий қўмиталарининг 1924 йил 22 ноябрдаги қарори билан ташкил этилган. 

1925 йил 15 июлда ташкил этилган СССР ХКС ва Бутуниттифоқ Коммунистик партияси Марказий қўмитасининг 1934 йил 3 октябрдаги қарорига асосан бошқарма тугатилган.

1924 йил 1 декабрда ташкил этилиб, 1933 йилда тугатилган.

Ўзбекистон ССР  Касаба уюшмалари Кенгаши Прездиумининг 8 октябрь 1934 йилдаги қарори асосида Ўзбекистон касаба уюшмалари Кенгаши дам олиш уйлари ва санаториялар бошқаруви тузилган. 1937 йил 13 сентябрда Ўзбекистон ССР касаба уюшмалари тугатилиши муносабати билан Бутуниттифоқ касаба уюшмалари Марказий Кенгашининг Ўзбекистондаги дам олиш уйлари ва санаториялари бошқармасига айлантирилган. 

Бутуниттифоқ касаба уюшмалари Марказий Кенгаши котибиятининг 1941 йил 28 августдаги қарорига мувофиқ Бутуниттифоқ касаба уюшмалари Марказий Кенгашининг Ўзбекистондаги дам олиш уйлари ва санаториялари бошқармаси Ўзбекистон ва Қирғизистон ССРдаги Бутуниттифоқ касаба уюшмалари шифохоналари Марказий Кенгаши бошқарувига айлантирилган. Иккинчи жаҳон уруши тугаганидан кейин госпиталларни тугатилиши муносабати билан 1946 йил март ойида госпиталлар бошқармаси Ўзбекистон ва Қирғизистон ССР Касаба уюшмалари Бутуниттифоқ Марказий Кенгашининг курортлар, санаториялари ва дам олиш уйлари бошқармасига айлантирилган. Бутуниттифоқ касаба уюшмалари Марказий Кенгаши Президиумининг 1956 йил  7 апрелдаги қарори асосида тугатилган.

1923 йил июнь ойида Туркистон АССР курорт маъмурияти тузилиб, 1925 йил январ ойида миллий ҳудудий чегараланиш сиёсати натижасида тугатилган. 

1925 йил январь ойида Ўрта Осиё дам олиш масканлари маъмурияти ташкил этилган бўлса-да, ушбу маъмурият 1927 йил октябр ойида Ўрта Осиё республикалари Соғлиқни сақлаш халқ комиссарликлари тасарруфига ўтказилиши муносабати билан тугатилиб, 1927 йил октябр ойида Ўрта Осиё ва Қозоғистон АССР дам олиш жойлари Давлат акциядорлик компанияси ташкил этилган. 1931 йил феврал ойида тугатилган.  

Ўзбекистон ССР  Инқилобий қўмитасининг 1924 йил 22 ноябрдаги қарори билан ташкил этилган. 

Ўзбекистон ССР  ХКСнинг 1939 йил 14 октябрдаги қарори билан ташкил этилган. Ўзбекистон ССР  Министрлар Советининг 1951 йил 12 октябрдаги қарори билан тугатилган.

1870 йилда Тошкент кутубхонаси ташкил этилган. 1919 йил февралда Тошкент Халқ Кутубхонаси, 1920 йил май ойида Туркистон Давлат кутубхонаси деб ўзгартирилган. Ўрта Осиё тугатиш комиссиясининг 1925 йил 4 апрелдаги қарори билан  Ўзбекистон ССР  Халқ комиссарлиги қошидаги  Ўрта Осиё Давлат кутубхонасига айлантирилган. 

1934 йилда Ўрта Осиё республикалари муассасаларни фаолиятини тугатилиши муносабати билан кутубхона номи  Ўзбекистон ССР  Давлат жамоат кутубхонаси деб ўзгартирилган.

1918 йил 19 июлда Туркистон ҳунармандчилик қўмитасининг миллийлаштирилган жамғармаси асосида Туркистон Республикаси Халқ хўжалиги Марказий Кенгашининг саноат ва савдо бўлими ҳузурида вилоят ҳунармандчилик музейи ташкил этилди; 1922 йил ноябрда Туркистон қўлёзмаларининг доимий кўргазмаси деб номланган. 1922 йил 11 декабрда Туркистон АССР ХКС қарори билан Туркистон АССР Давлат режалаштириш қўмитаси ҳузурида Туркистон кўргазма қўмитаси ташкил этилди; 1923 йил апрелидан бошлаб Ўрта Осиё Иқтисодий Кенгаши тасарруфига ўтказилиб, Ўрта Осиё кўргазмалар қўмитасига айлантирилган.

1923 йил 5 декабрдаги Туркистон АССР МИҚ ва ХКС қарори билан тугатилган.

1918 йил 22 майда Туркистон Халқ университети кенгашининг қарори билан музей ташкил этилиб, унга Туркистон Халқ музейи номи берилди. Туркистон АССР ХКСнинг 1918 йил 31 майдаги буйруғи билан музей Туркистон АССР Маориф халқ комиссарлигига топширилиб, 1922 йилда музей Туркистон Бош музейига айлантирилган. Туркистон тарихий, санъат ва табиат ёдгорликларини муҳофаза қилиш қўмитасига, 1925 йилдан эса Ўрта Осиё тарихий, санъат ва табиат ёдгорикларини муҳофаза қилиш қўмитасига бўйсунган. 1928 йилда Ўрта Осиё Бош музейи Ўрта Осиёнинг тарихий ва даврий табиати ва маданияти ўлкашунослик музейи сифатида фаолият олиб борган. Ўрта Осиё тарихий, санъат ва табиат ёдгорликларни муҳофаза қилиш қўмитасининг тугатилиши муносабати билан  Ўзбекистон ССР  Маориф халқ комиссарлиги тасарруфига топширилган.

1918 йил 22 майда Туркистон Халқ университети кенгашининг қарори билан музей ташкил этилиб, унга Туркистон Халқ музейи номи берилди. Туркистон АССР ХКСнинг 1918 йил 31 майдаги буйруғи билан музей Туркистон АССР Маориф халқ комиссарлигига топширилиб, 1922 йилда музей Туркистон Бош музейига айлантирилган. Туркистон тарихий, санъат ва табиат ёдгорликларини муҳофаза қилиш қўмитасига, 1925 йилдан эса Ўрта Осиё тарихий, санъат ва табиат ёдгорикларини муҳофаза қилиш қўмитасига бўйсунган. 1928 йилда Ўрта Осиё Бош музейи Ўрта Осиёнинг тарихий ва даврий табиати ва маданияти ўлкашунослик музейи сифатида фаолият олиб борган. Ўрта Осиё тарихий, санъат ва табиат ёдгорликларни муҳофаза қилиш қўмитасининг тугатилиши муносабати билан  Ўзбекистон ССР  Маориф халқ комиссарлиги тасарруфига топширилган.

Туркистон АССР МИҚнинг 1920 йил 30 январдаги қарори билан фан ва санъатнинг барча тарихий ёдгорликларини муҳофаза қилиш вазифаси Туркистон архивлари Марказий бошқармаси комиссиясига топширилган. 1921 йил 21 майда Туркистон АССР ХКСнинг қарори билан Туркистон АССРнинг тарихий, санъат ва табиат ёдгорликлар музейлари ва уларни ҳимоя қилиш қўмитаси (Туркомстарис) ташкил этилди. 1924 йил 26 декабрда Туркомстарис Ўрта Осиё Иқтисодий Кенгашига бўйсунган ҳолда Туркистон АССРнинг тарихий, санъат ва табиат ёдгорликлар музейлари ва уларни ҳимоя қилиш қўмитасига айлантирилди.

1928 йил 7 апрель Ўрта Осиё Иқтисодий Кенгаши қарори билан тугатилган.

1925 йил 7 апрелда ташкил этилган бюро Ўрта Осиё илмий жамияти, Россия ботаника ва география жамиятларининг Туркистон бўлими фаолиятига раҳбарлик қилган. Ўрта Осиё Давлат университети қошидаги илмий педагогик жамият, Дерматологлар ва венереологлар жамияти, Ўрта Осиё тиббиёт жамияти, Туркистон психиатр ва невропатологлар жамияти, илмий ва ветеринария жамияти. Тожикистон ва Эрон миллатларини ўз чегараларидан ташқарида ўрганиш жамиятлари, Отоларингологик жамият, кўз жамияти, Педиатрия шифокорлари жамияти, Бутунроссия муҳандислар уюшмасининг Ўрта Осиё бўлими ва Филателистлар жамияти. Жамият 1926 йилда тугатилган.

1941 йил 29 ноябрда Ўзбекистон илмий муҳандислик-техника жамияти вакилларининг конференциясида Ўзбекистон илмий муҳандислик-техника жамияти Кенгаши тузилиб, унинг Низоми  Ўзбекистон ССР  ХКСнинг 1941 йил 2 декабрдаги қарори билан тасдиқланган.

Ўзбекистон илмий-муҳандислик жамияти Кенгашининг вазифаларига қуйидагилар кирган:

а)  Ўзбекистон ССР  соҳавий илмий-техника жамиятига уларнинг иш режаларидан келиб чиқиб, энг муҳим саноат-техник вазифаларни бажаришда кўмаклашиш, шунингдек, корхоналарга технологияларни жорий этиш ва маҳсулот сифатини ошириш бўйича амалий ёрдам кўрсатиш; 

б) соҳавий илмий-муҳандислик жамияти ўртасида илмий-ишлаб чиқариш ва техник тажрибани ташкил этиш ва тажриба алмашиш; 

в)  Ўзбекистон ССР  илмий-муҳандислик жамияти ишини соҳаларига кўра мувофиқлаштириш ва йўналтириш; 

д) кадрлар тайёрлаш ва илмий-техник билимлар даражасини оширишга кўмаклашиш; 

е) Халқ хўжалиги томонидан илгари сурилган илмий, техникавий, иқтисодий ва ишлаб чиқариш масалаларини ҳал этиш. 

Жамият фаолияти Бутуниттифоқ илмий муҳандислик-техник жамиятлари Кенгашининг 1953 йил 8 апрелдаги қарори билан тугатилган.

Бутуниттифоқ Коммунистик партияси Марказий Қўмитасининг 1931 йил 19 ноябрдаги қарори ва Бутуниттифоқ касаба уюшмалари Марказий Кенгашининг қарори билан Ўрта Осиёда илмий муҳандислик-техника жамиятларининг бир нечта тармоқлари ташкил этилди; 

1) Ўрта Осиё илмий муҳандислик жамиятлари Кенгаши;

2) илмий муҳандислик жамиятлари Кенгашининг Республика ташкилий бюролари; 

3) илмий муҳандислик жамиятларининг Ўрта Осиё бюролари (темирйўлчилар, ирригаторлар, нефтчилар, кўмирчилар, пахтачилар, энергетика, сув таъминоти ва санитария техникаси, кимёгарлар;

4) қурувчилар, машинасозлар, автотранспорт, маҳаллий транспорт, цемент ва керамика саноати илмий муҳандислик жамиятларининг республика ташкилий бюролари.

Ўрта Осиё Кенгаши ва илмий муҳандислик-техника жамиятларининг соҳавий бюролари 1934 йилда тугатилган. 

Ўзбекистон ССР  ХХКСнинг 1939 йил 22 февралдаги қарорига асосан ташкил этилиб, 1941 йил июн ойида тугатилган.

Ўрта Осиё Иқтисодий Кенгашининг 1930 йил 26 июлдаги қарори билан Ўрта Осиё Меҳнат муҳофазаси институти ташкил этилган; 1930 йил 4 декабрда Ўрта Осиё гигиена, патология ва меҳнат хавфсизлиги институти деб ўзгартирилган. 1932 йилда СССР Меҳнат халқ комиссарлигининг Ўрта Осиёдаги ваколатхонаси қошида  меҳнатни ташкил этиш ва такомиллаштириш бўйича Ўрта Осиё Давлат ташкилотлар ва меҳнатни мухофаза қилиш институти деб ўзгартирилган; 1933 йилда Бутуниттифоқ касаба уюшмалари Марказий Кенгаши ҳузуридаги ташкилотлар ва меҳнатни муҳофаза қилиш Ўрта Осиё Давлат илмий-тадқиқот институти деб ўзгартирилган. 1936 йил июлда институт тугатилган.

Ўзбекистон ССР ХКСнинг 1934 йил 1 апрелдаги қарори билан  Ўзбекистон ССР  Соғлиқни сақлаш халқ комиссарлиги қошида ташкил этилган.  Ўзбекистон ССР Соғлиқни сақлаш халқ комиссарлигининг 1940 йил 4 октябрдаги буйруғи билан тугатилган.

1928 йил 15 ноябрда СССР МИҚ қошидаги Олимлар ва таълим муассасаларини бошқариш қўмитаси қарори билан, 1921 йилдан бери фаолият юритиб келган Ўрта Осиё Давлат университетининг Иқтисодий тадқиқотлар бюроси ва Қишлоқ хўжалиги факультетининг илмий- тадқиқот бюросини бирлаштириш натижасида Ўрта Осиё Давлат университети қошидаги Иқтисодиёт илмий-тадқиқот институти ташкил этилган. 

Иқтисодиёт институти Низомига кўра унинг вазифаларига қуйидагилар кирган:  Ўрта Осиё миллий иқтисодиётини ўрганиш, Ўрта Осиё шарт-шароитларида тадқиқот олиб бориш методологиясини, халқ хўжалигини ривожлантириш бўйича иқтисодий режаларни ишлаб чиқиш, малакали иқтисодчиларни тайёрлаш.

Ўрта Осиё давлат университети Иқтисодиёт институти СССР МИҚ қошидаги Олимлар ва таълим муассасалари қўмитасининг 1930 йилдаги қарорига кўра, Ўрта Осиё режалаштириш комиссияси таркибига ўтказилган ва институт номи Иқтисодий тадқиқотлар институти деб ўзгартирилган. 1934 йил 13 октябрда Ўрта Осиё Иқтисодий Кенгашининг буйруғи билан институт тугатилган. 

1937 йил 15 октябрда ташкил этилган.  Ўзбекистон ССР  Маориф халқ комиссарлигининг 1941 йил 20 октябрдаги буйруғига асосан тугатилган.

1947 йил 1 январда СССР Олий Совети Президиумининг 1946 йил 28 ноябрдаги қарори асосида ташкил этилган. Мактабда ўқиш даври икки йил бўлиб, унинг вазифаларига қуйидагилар кирган: республика, вилоят касаба уюшма қўмиталари бошлиқлари ва йирик корхоналар таркибидаги фабрика заводларнинг маҳаллий қўмиталарига раисларини тайёрлаш. Касаба Уюшмалари Бутуниттифоқ Марказий Кенгаши котибиятининг 1956 йил 9 февралдаги қарори асосида тугатилди.

СССР Министрлар Советининг 1947  йил 8 июлдаги қарори ва СССР Министрлар Совети ҳузуридаги санъат ишлари бўлимининг 1947 йил 25 июлдаги буйруғига асосан ташкил этилган.  Ўзбекистон ССР  Министрлар Совети ҳузуридаги Санъат Ишлари Бошқармасининг 1952 июн 21 йилдаги буйруғи асосида тугатилган.

1924 йил март ойида 1920 йилда ташкил этилган мусулмон фельдшерлик мактаби, акушерлик курслари ва Коллонтай номидаги ҳамширалар мактабининг бирлашиши асосида ташкил этилган. 1927 йилда тугатилган.

1929 йилда Ўрта Осиё хўжалик ва қизил директорлар курслари асосида ташкил этилган; 1933 йилгача у СССР Халқ хўжалиги Олий Кенгаши тасарруфида, 1933 йилдан 1938 йилгача СССР Енгил саноат халқ комиссарлиги тасарруфида ва 1938 йилдан СССР Тўқимачилик саноати халқ комиссарлиги тасарруфида бўлган. СССР Тўқимачилик саноати халқ комиссарлигининг 1940 йил 23 ноябрдаги буйруғи билан тугатилган.

1930 йил 31 августда СССР Оғир саноат халқ комиссарлиги таълим муассасалари Бош бошқармасининг буйруғи асосида ташкил этилган. СССР Оғир саноат халқ комиссарлигининг таълим муассасалари Бош бошқармасининг 1933 йил 28 июндаги буйруғига кўра, Ўрта Осиёдаги ягона саноат ишчилар факультети таркибига киритилган.

СССР Саноат халқ комиссарлиги таълим муассасалари Бош бошқармасининг 1933 йил 28 июндаги буйруғига кўра, 1931 йил августда ташкил этилган ҳамда Ўрта Осиёдаги ягона саноат ишчилари факультети таркибига киритилган

1918 йил 31 май куни, Туркистон мусулмон ўқитувчилар институти ташкил этилган. Кейинчалик биринчи Ўзбек Педагогика коллежи деб қайта номланиб, Меҳнат Педагогика мактабига айлантирилди. Ушбу мактаб негизида Туркистон АССР Маориф халқ комиссарлигининг 1920 йил 1 сентябрдаги буйруғига кўра Ўзбекистон Эркаклар Таълим Институти (Узинпрос) ташкил этилган ва институт 1928 йилда тугатилган.

Ўрта Осиё қурилиш институти 1931 йил март ойида Ўрта Осиё Иқтисодий Кенгашининг қарори билан Ўрта Осиё пахтачилик ирригация ва политехника институтидан ажралиб чиққан Қурилиш факультети негизида ташкил этилган.

Институт 1930 йил 6 июнда Ўрта Осиё Давлат университетининг Қишлоқ хўжалиги факультети негизида ташкил этилиб, СССР Ер ишлари халқ комиссарлиги тасарруфида бўлган. 1931 йилда унинг фаолияти тугатилган.

1918 йил 21 апрель куни Туркистон ўлкаси ХКС буйруғи асосида Тошкентда Туркистон Халқ университети очилиб, 1920 йил 7 сентябрда ХКС қарори билан Туркистон давлат университети этиб ташкил этилган. 1924 йил 16 февралда Маориф халқ комиссарлиги қарори билан Ўрта Осиё Давлат университети деб ўзгартирилган (САГУ).

Ўзбекистон ССР  Инқилобий қўмитасининг 1924 йил 25 ноябрдаги қарори билан ташкил этилган.

1920 йил февраль ойида ХХСР Нозирлар Совети қошида Давлат назорати тузилди: 1923 йил октябрда у ХХСР Ишчи-деҳқон инспекцияси халқ нозирлигига айлантирилди. 1924 йил 30 ноябрда тугатилган.

Бухоро Халқ Совет Республикаси касаба уюшмалар Марказий Кенгаши ташкил этилиш санаси номаълум. 1924 йилда тугатилган. Фонд таркибида 1922 – 1924 йилларга оид ҳужжатлар мавжуд.

Бухоро Халқ Совет Республикаси савдо ва саноат Халқ Комиссарлиги (Назорати) ҳузуридаги кооперация ва давлат савдо ишчилари касаба уюшмаси маҳаллий қўмитаси 1921 йил 13 мартда ташкил этилиб, 1924 йилда тугатилган.