Turkiston ASSR Xalq Komissarlari Sovetining 1922 yil 21 iyundagi dekreti bilan RSFSR Davlat sug‘urta boshqarmasining O‘rta Osiyo bo‘yicha vakolatxonasi tashkil etildi. 1925 yil 3 martda O‘zbekiston SSR va Turkmaniston SSR bo‘yicha SSSR Davlat sug‘urta boshqarmasining vakolatxonasiga aylantirildi, 1925 yil 25 mayda esa SSSR Davlat sug‘urta boshqarmasining O‘rta Osiyo boshqarmasi deb nomlandi. 1925 yil 14 oktyabrda vakolatxona faoliyati tugatilgan.
Turkiston ASSR va O‘zbekiston SSR MIQ va XKSning davlat sug‘urtasi to‘g‘risidagi qarorlari; Davlat sug‘urtasining O‘rta Osiyo boshqarmasi uchun buyurtmalar, Davlat sug‘urtasining mulkni, binolarni, yuklarni, qishloq xo‘jaligi hayvonlari va ekinlarini sug‘urta qilish tartibi to‘g‘risidagi, shaxsiy sug‘urta va yong‘indan sug‘urtalash bo‘yicha sirkulyar va yo‘riqnomalari; Davlat sug‘urta boshqarmasining O‘rta Osiyo bo‘limi faoliyati to‘g‘risidagi hisobotlar va sug‘urta agentlarining hisobotlari.
