Туркистон АССР Халқ Комиссарлари Советининг 1922 йил 21 июндаги декрети билан РСФСР Давлат суғурта бошқармасининг Ўрта Осиё бўйича ваколатхонаси ташкил этилди. 1925 йил 3 мартда Ўзбекистон ССР ва Туркманистон ССР бўйича СССР Давлат суғурта бошқармасининг ваколатхонасига айлантирилди, 1925 йил 25 майда эса СССР Давлат суғурта бошқармасининг Ўрта Осиё бошқармаси деб номланди. 1925 йил 14 октябрда ваколатхона фаолияти тугатилган.
Туркистон АССР ва Ўзбекистон ССР МИҚ ва ХКСнинг давлат суғуртаси тўғрисидаги қарорлари; Давлат суғуртасининг Ўрта Осиё бошқармаси учун буюртмалар, Давлат суғуртасининг мулкни, биноларни, юкларни, қишлоқ хўжалиги ҳайвонлари ва экинларини суғурта қилиш тартиби тўғрисидаги, шахсий суғурта ва ёнғиндан суғурталаш бўйича циркуляр ва йўриқномалари; Давлат суғурта бошқармасининг Ўрта Осиё бўлими фаолияти тўғрисидаги ҳисоботлар ва суғурта агентларининг ҳисоботлари.
