Oʻzbekiston Milliy arxiv fondlari boʻyicha onlayn yoʻl koʻsratgich

Turkiston frontlaridagi harbiy-ozuqa ta’minoti Vakolatli Boshqarmasi 1921 yil 7 mayda Xiva shahrida tashkil etilib, 1922 yilda tugatilgan.

O‘zSSR Ichki Ishlar Ministrligi Arxiv ishining 1956 yil 26 iyuldagi farmoyishiga muvofiq, ushbu tashkilot hujjatlari O‘zSSR Oktyabr inqilobi Markaziy davlat arxivi (O‘zbekiston Milliy arxivi)ga o‘tkazilgan.

1920 yilda Xivada Xorazm Xalq Sovet Respublikasi Inqilobiy harbiy kengashi vaqtinchalik inqilobiy huqumat sifatida ta’sis etilgan. Xorazm Xalq Sovet Respublikasi Inqilobiy harbiy kengashi, harbiy qismlar, boshqarmalar, muassasalar va harbiy idora tashkilotlarini boshqarish, nazorat qilish, birlashtirish uchun, respublika qo‘shinlarini siyosiy tarbiyalash va mamlakat Mudofaaasi bo‘yicha masalalarni ishlab chiqish uchun ta’sis etilgan. Kengash 1923 yilda tugatilgan.

1920 yil 13 aprelda Xiva shahridagi Kuker jangchilar guruhidan alohida Xorazm Kavaler divizioni shakllantirilgan, shu yilning o‘zidayoq, divizion 1-Xorazm kavaler polkiga aylantirilgan. Xorazm Respublikasi qo‘shinlar guruhi tarkibiga kiritilgan, Dargon-Otin frontidagi Ko‘hna Urganch ostonasida, Qo‘ng‘irot, G‘ulom va Ilyada qurolli qarshilik harakatlariga qarshi ishtirok etgan.

Mazkur fondning tashkil topish va tugatilish sanasi ko‘rsatilmagan. Fond tarkibida 1922–1924 yillarga oid hujjatlar mavjud.

Mazkur fondning tashkil topish va tugatilish sanasi ko‘rsatilmagan. Fond tarkibida 1921–1924 yillarga oid hujjatlar mavjud.

mazkur fondning tashkil topish va tugatilish sanasi ko‘rsatilmagan. Fond tarkibida 1922 – 1924 yillarga oid hujjatlar mavjud.

1921-yil 14-mayda 2-sonli Kaganskiy temir yoʻl harbiy-oziq-ovqat punkti tuzilgan.

Mazkur fondning tashkil topish va tugatilish sanasi ko‘rsatilmagan.Fond tarkibida 1918 yilga oid hujjatlar mavjud.

Mazkur fondning tashkil topish va tugatilish sanasi ko‘rsatilmagan. 1918 – 1919 yillarga oid hujjatlar mavjud..

Samarqand oblast Mudofaaa komissarligi 1-Samarqand piyoda qo‘shinlari bataloni 1918 yilda Samarqandda tashkil etilgan. Tugatilish sanasi ko‘rsatilmagan. Fond tarkibida 1918 yildan 1919 yilgacha bo‘lgan davrga oid hujjatlar mavjud.

Turkiston ASSR Harbiy ishlar bo‘yicha Komissarlikning Kaufman stansiyasi huzuridagi porox zavodini qurish bo‘yicha Komissiya 1919 yil 22 mayda Toshkent shahrida tashkil etilgan. 1921 yil 8 avgustda tugatilgan.

Turkiston ASSR MIQ huzuridagi muhim vazifalar uchun alohida otryadi 1922 yildan Toshkent shahrida faoliyat yuritgan. Tugatilgan sanasi noma’lum.

Samarqand oblasti Alohida holatlar uchun qismlar Shtabi 1920 yildan 1926 yilgacha Toshkent shahrida faoliyat ko‘rsatgan.

Sirdaryo viloyatining Favqulotda holatlar uchun qismlar shtabi 1920 yildan 1926 yilgacha Toshkent shahrida faoliyat ko‘rsatgan.

Mazkur fond 1921 yil Turkiston frontining Qo‘qon shahridagi Farg‘ona oblast Harbiy kooperativlari o‘rnida tashkil etilgan. 1922 yil 22 dekabrda Farg‘ona oblast Harbiy-iste’mol jamiyati (XIJ)deb qayta nomlangan. 1924 yil 18 fevralda tugatilgan.

Farg‘ona qo‘shinlar guruhi Harbiy-dala nonvoyxonasi 1921 yildan 1922 yilgacha Qo‘qon shahrida faoliyat ko‘rsatgan.

Turkiston Fronti Harbiy aloqalar Boshqarmasi huzuridagi oziq-ovqat va temir yo‘l Harbiy-oziq-ovqat shahobchalari uchun jihoz  ombori 1922 yil 1 oktyabrda Toshkent shahrida tashkil etilib, 1924 yil 20 dekabrda tugatilgan.

Fond R-930 fond bilan birlashtirib yuborilgan Mazkur xo‘jalik fond 1923 yil 1 noyabrda Turkiston Respublikasi Sirdaryo oblasti, Kazalinsk shahrida Turkiston fronti Harbiy-xo‘jalik boshqarmasi 5 Sovet xo‘jaligi bazasida tashkil topgan. 1924 yil 29 mayda Harbiy-zahira va sanoat korxonalari Birlashmasi 5-son Sovet xo‘jaligi deb qayta nomlanib, 1924 yil 10 noyabrda tugatilgan.

Turkiston Fronti Harbiy-xo‘jalik boshqarmasi huzuridagi 4-Sovet xo‘jaligi Poltoratsk shahrida 1924 yil 1 oktyabrda tashkil etilgan. 1924 yil 2 mayda tugatilgan.

Qizil Armiyani ta’minoti bo‘yicha Mudofaaa Kengashi Favqulodda vakolatxonasi Turkiston o‘lka Harbiy zahiralar Markaziy bo‘limi 1919 yil 26 noyabrda Toshkent shahrida tashkil etilib, 1920 yil tugatilgan.

Mazkur fond 1918 yil sentyabr oyida Toshkent shahrida Turkiston Respublikasi Harbiy Komissarligi xo‘jalik mollari bo‘limi Birinchi Harbiy etik fabrikasi o‘rnida tashkil etilgan. 1919 yil 5 dekabrda Turkiston o‘lkasi Harbiy zahiralar Markaziy bo‘limi Birinchi Harbiy etik tikish fabrikasi deb qayta nomlanib, 1922 yil 1 yanvarda tugatilgan.

Turkiston ASSR Harbiy-sanitar okrug boshqarmasi Turkiston dori-darmon omborxonasi 1918 yil 10 iyulda Toshkentda tashkil etilgan. Tashkilotning tugatilish sanasi ko‘rsatilmagan. Fond tarkibida 1918 yilga tegishli yig‘majild saqlangan.

Turkiston fronti armiyasini ta’minoti bo‘yicha Xalq xo‘jaligi Markaziy Kengashi va favqulodda vakolatxonasi huzuridagi Harbiy maxsus kiyim, sanoat kiyimi va fuqarolik ko‘ylagi ishlab chiqarish Boshqarmasi 1920 yil 4 noyabrda tashkil etilib, 1922 yilda tugatilgan.

Davlat Siyosiy Boshqarmasining 1923 yil 18 sentyabrdagi 389/543-son buyrug‘iga ko‘ra, Harbiy okrug iste’molchilar jamiyatlari tashkil etilgan. 

Umumlashgan Davlat Siyosiy Boshqarmasining 1924 yil 16 yanvardagi 40-son buyrug‘iga asosan OGPU Iste’molchilar jamiyati tugatilgan.

1919 yilda Moskvadagi Turkiston davlat universiteti vakolatxonasi huzurida Harbiy fakultet tashkiliy komissiyasi shakllantirilgan. Komissiya vazifasiga Toshkentdagi Harbiy fakultetni ochilishi bo‘yicha barcha  tayyorgarlik ishlarini amalga oshirish yuklatilgan. 1920 yil boshida Moskva delegatsiyasi Toshkentga yetib keladi. Moskva delegatsiyasining Turkiston davlat universiteti mahalliy guruhi vakillari va Turkiston fronti Harbiy mutaxassislari ning 1920 yil 4 maydagi qo‘shma majlisida Harbiy fakultet tashkiliy bo‘linmasi tashkil etilgan. Tashkiliy bo‘linma Toshkentda fakultetni tashkil etish bo‘yicha barcha tashkiliy ishlarni amalga oshirib, 1920 yil noyabrda Harbiy fakultet ochilishi Turkiston ishlari bo‘yicha komissiya (Turkomissiya) tomonidan tasdiqlangan.

Harbiy fakultet  respublika Inqilobiy Harbiy Kengashining 1922 yildagi 1221-son hamda Turkiston frontining 1922 yil 9 iyundagi 822/340-son buyruqlari bilan tugatilgan. Tugatish ishlari 1922 yil 1 iyulda yakunlangan.

1920 yil 4 iyunda Semipalatinsk qo‘shinlari guruhi shtabi huzurida harbiy nizomni buzganlar alohida rotasi shakllantirilgan. 

Rotaning 1920 yil 23 oktyabrdagi 107-son buyrug‘iga ko‘ra,  3-Turkiston diviziyasi shtabi huzurida ro‘yxatga olingan. Rota 1921 yil 27 fevralda tugatilgan.

Fond tarkibida hujjatlar to‘liq saqlanib qolmaganligi sababli, Harbiy-transport mexanika zavodini tashkil etilish sanasi haqida aniq  ma’lumot mavjud emas.

Boshqarma 1919 yilda tashkil etilib, uning faoliyati 1922 yilda tugatilgan.

1922 yil 21 iyunda yoqilg‘i bo‘yicha Bosh Boshqarmaning buyrug‘i bilan Boku shahridagi yoqilg‘i bo‘yicha Kavkazorti-Kaspiyorti viloyat bo‘limi tasdiqlangan bo‘lib, uning Turkistondagi vakolatxonasi bo‘lgan. Vakolatxonaning tugatilgan sanasi haqida aniq ma’lumot yo‘q.

RSFSR Mudofaaa ishlari bo‘yicha komissarligi 1917 yil oxirida tashkil etilgan. 1918 yil 8 aprelda V.I.Lenin XKSning Mudofaaa ishlari bo‘yicha  volost, uyezd, guberniya va okrug komissarliklarini tuzish bo‘yicha dekretini imzolagan. Turkiston Respublikasi Markaziy Qo‘mitasi 1918 yil 12 avgustda 548-sonli Turkiston harbiy okrugi shtabini va barcha okrug boshqarmalarini Turkiston ASSR Mudofaaa komissarligiga aylantirish to‘g‘risidagi qarori qabul qilinadi.

Turkiston Mudofaaa komissarligi O‘zbekiston SSR Mudofaaa komissarligi deb nomlana boshladi, u 1925 yil 20 mayda O‘zbekiston SSR Markaziy Ijroiya Qo‘mitasining 37-son Qaroriga asosan O‘zSSR Hududiy okrug Boshqarmasi sifatida qayta tashkil etilgan. 1925 yil 9 iyundan O‘zSSR hududiy boshqarmasi deb nomlangan.