1919 йилда Тошкент шаҳрида Туркистон АССР Ички ва ташқи ишлар халқ комиссарлиги ҳузурида милиция нозирларини курслари фаолият кўрсатган. Курслар тўғрисидаги Низом 1918 йил 30 ноябрдаги Туркистон АССР Ички ва ташқи ишлар Халқ Комиссарлиги Ҳайъати йиғилишида кўриб чиқилган ва қабул қилинган.
1919 йил 18 мартда курслар очилган. 1920 йил 19 июнда Туркистон АССР Ички ишлар халқ комиссарлиги курсларини совет ва партия ишчилари ўлка курслари билан бирлаштирилган.
Курс кенгаши қарори ва курсга кириш учун аризалар, битирувчи курсантлар ишлари (баённомалар), курслар тўғрисида Низом, Ички ишлар комиссарлигининг курслар бўйича буйруқлари, Ички ишлар халқ комиссарлиги ҳузуридаги милиция нозирлари курсларининг ташкилий масалалар бўйича ёзишмалари ва бошқалар.
