СССР МИҚ ва ХКСнинг 1930 йил 30 январдаги кредит ислоҳоти тўғрисидаги фармони билан Марказий қишлоқ хўжалиги банки “Центроселбанк” Бутуниттифоқ қишлоқ хўжалиги кооператив-колхоз банкига, Ўзбекистон қишлоқ хўжалиги банки эса ушбу банкнинг филиалига айлантирилган.
СССР ва ЎзССР ХКС, СССР Марказий қишлоқ хўжалиги банки ва Ўзбекистон қишлоқ хўжалиги банкининг қишлоқ хўжалигини кредитлаштириш ҳолати, кам таъминланган уй хўжаликларини кредитлаш ва хусусий капиталга кредит беришни тўхтатиш тўғрисидаги фармонлари ва циркуляр фармойишлари.
Марказий қишлоқ хўжалиги банки ва “Ўзселхозбанк” бошқаруви мажлисларининг баённомалари; “Ўзсельхозбанк” ва якка тартибдаги қишлоқ хўжалиги кредит ширкатларининг фаолияти тўғрисидаги ҳисобот ва маърузалар; СССРда кредит тизимини қайта ташкил этиш тўғрисидаги меморандум (1930).
