ЎЗБЕКИСТОН ССР ОЛИЙ СУДИ
1925 йил 1 январда иш фаолиятини бошлаган.
ЎЗБЕКИСТОН ССР АДЛИЯ КОМИССАРИАТИ (Наркомюст, НКЮ УзССР)
Ўзбекистон ССР Инқилобий қўмитасининг 1924 йил 26 ноябрдаги қарорига кўра ташкил этилган.
ХОРАЗМ ХАЛҚ СОВЕТ РЕСПУБЛИКАСИ ИЧКИ ИШЛАР ХАЛҚ НОЗИРЛИГИ
1920 йил ноябрда ташкил этилиб, 1924 йил 30 ноябрда тугатилган.
БУХОРО ХАЛҚ СОВЕТ РЕСПУБЛИКАСИ ИЧКИ ИШЛАР НОЗИРЛИГИ ҲУЗУРИДАГИ МИЛИЦИЯ БОШ БОШҚАРМАСИ
Бухоро Халқ Совет Республикаси ички ишлар Назорати хузуридаги ишчи-деҳқон милицияси Бош Бошқармаси 1920 йил 16 сентябрдаги Бухоро Халқ Совет Республикаси Халқ Нозирлар Кенгаши қарорига ва Бухоро Халқ Совет Республикаси ички Ишлар Нозирининг 1920 йил 20 сентябрдаги буйруғига асосан ташкил этилган. Ўрта Осиё республикаларида ўтказилган миллий-ҳудудий чегараланиш сиёсати натижасида 1924 йил 18 ноябрдаги 164-сон буйруғига кўра Бухоро Халқ Совет Республикаси Ички ишлар Нозирлиги фаолияти тугатилган.
ТУРКИСТОН АССР ИЧКИ ИШЛАР ХАЛҚ КОМИССАРЛИГИ ҲУЗУРИДАГИ ЖИНОЯТ ҚИДИРУВ МАРКАЗИЙ БОШҚАРМАСИ
Туркистон АССР Ички ишлар халқ комиссарлиги ҳузуридаги жиноят қидирув Марказий бошқармаси 1920 йил Тошкентда ташкил этилиб, ташкилот 1924 йил 25 ноябрда тугатилган.
СОВЕТ ВА ПАРТИЯ ИШИ МАРКАЗИЙ МАКТАБИ ҲУЗУРИДАГИ ТУРКИСТОН АССР ИЧКИ ИШЛАР ХАЛҚ КОМИССАРЛИГИ КУРСЛАРИ
1919 йилда Тошкент шаҳрида Туркистон АССР Ички ва ташқи ишлар халқ комиссарлиги ҳузурида милиция нозирларини курслари фаолият кўрсатган. Курслар тўғрисидаги Низом 1918 йил 30 ноябрдаги Туркистон АССР Ички ва ташқи ишлар Халқ Комиссарлиги Ҳайъати йиғилишида кўриб чиқилган ва қабул қилинган.
1919 йил 18 мартда курслар очилган. 1920 йил 19 июнда Туркистон АССР Ички ишлар халқ комиссарлиги курсларини совет ва партия ишчилари ўлка курслари билан бирлаштирилган.
ТУРКИСТОН АССР ИЧКИ ИШЛАР ХАЛҚ КОМИССАРЛИГИ ЖАЗОНИ ЎТАШ МУАССАСАЛАРИ БОШҚАРМАСИ
1922 йил 14 ноябрдаги Туркистон АССР ХКСнинг 220-сонли қарори билан барча жазони ўташ муассасаларини бирлаштириш ва устидан назоратни амалга ошириш учун Туркистон АССР Адлия халқ комиссарлигининг аҳлоқ тузатиш-меҳнат бўлими Туркистон АССР Ички ишлар халқ комиссарлиги жазони ўташ муассасалари бошқармасига айлантирилган. 1924 йил 22 ноябрда Туркистон АССР Ички ишлар халқ комиссарлиги жазони ўташ муассасалари бошқармаси Ўрта Осиёдаги ўтказилган миллий-ҳудудий чегараланиш сиёсати натижасида тугатилган.
ТУРКИСТОН АССР ИЧКИ ИШЛАР ХАЛҚ КОМИССАРЛИГИ ҲУЗУРИДАГИ МИЛИЦИЯ БОШ БОШҚАРМАСИ
1917 йил 28 октябрдаги Россия Ички ишлар халқ комиссарлигининг “Ишчи милицияси тўғрисида”ги буйруғига кўра, янги турдаги милиция ташкил этилган. Унга кўра, “барча Ишчилар ва аскар депутатлари Кенгашларига инқилобий интизомни йўлга қўйиш ва ушлаб туриш учун “ишчи милицияси”ни таъсис этиш белгиланган.
ТУРКИСТОН АССР НКВД КОММУНАЛ ХЎЖАЛИК БОШ БОШҚАРМАСИ
Туркистон АССР НКВД коммунал хўжалик Бош Бошқармаси 1922 йил 11-18 июнда 1-Умумтуркистон вилоят ва уезд-шаҳар коммунал бошқармалари мудирлари, милиция бошлиқлари ва шаҳар коммунал бўлимлари мудирлари қурултойида ташкил этилган. 37 та коммунал хўжалик Бошқармаси тизим идоралари фаолият кўрсатган. Туркистон АССР НКВД коммунал хўжалик Бош Бошқармаси 1924 йилда тугатилган.
ТУРКИСТОН АССР СОВЕТЛАР МАРКАЗИЙ ИЖРОИЯ ҚЎМИТАСИ ҲУЗУРИДАГИ БОШ ИНТИЗОМИЙ СУД ТУРКИСТОН БЎЛИНМАСИ Тошкент ш.
Туркистон АССР Советлар Марказий Ижроия Қўмитаси ҳузуридаги Бош интизомий суд Туркистон бўлинмаси 1924 йил 2 августда ташкил этилган. Тугатилиш санасини аниқлаш имконияти чекланган.
ТУРКИСТОН АЛОҚА ЙЎЛЛАРИ БЎЙИЧА ИНҚИЛОБ ҲАРБИЙ ТЕМИР ЙЎЛЛАР ТРИБУНАЛИ
1920 йил 18 мартдаги Бутунроссия МИҚ қарорига мувофиқ ташкил этилган. 1923 йил 1 декабрдаги РСФСР Адлия халқ Комиссарлиги ва Олий суди циркулярига асосан тугатилган.
ТУРКИСТОН АССР МИҚ ҚОШИДАГИ ОЛИЙ ИНҚИЛОБИЙ ТРИБУНАЛ
1918 йил 2 апрелда Тошкент инқилобий трибунали сифатида иш бошлаган, Туркистон МИҚнинг 1919 йил 6 майдаги буйруғи билан Туркистон AССР МИҚ ҳузуридаги Олий Инқилобий трибуналга айлантирилди. Трибунал Бутуниттифоқ МИҚнинг 1922 йил 11 ноябрдаги қарори асосида тугатилган.
РСФСР ОЛИЙ СУДИ ТУРКИСТОН БЎЛИНМАСИ
1923 йил 1 апрелдаги Бутунроссия МИҚ қарори билан ташкил этилиб, 1924 йил 12 декабрда тугатилган.
