СССР ИЧКИ САВДО ХАЛҚ КОМИССАРЛИГИ ҚОШИДАГИ КРЕДИТ ОЛИШГА ЛАЁҚАТЛИЛИК ҲАҚИДА МАЪЛУМОТНОМА БЕРУВЧИ ЎРТА ОСИЁ АКЦИОНЕРЛИК ЖАМИЯТИ БЎЛИМИ (Ўрта Осиё “Кредит бюроси” идораси)
1924 йил августда ташкил этилиб, 1930 йил 15 октябрда ташкилот фаолияти тугатилган.
ЎЗБЕКИСТОН ССР МОЛИЯ КОМИССАРЛИГИНИНГ ДАВЛАТ СУҒУРТА БОШҚАРМАСИ (Узгосстрах)
СССР Давлат Суғурта бошқармасининг Ўзбекистон ССР ва Туркманистон ССР бўйича ваколатхонасининг 1925 йил 21 апрелдаги буйруғига кўра ташкил этилган.
СССР ДАВЛАТ СУҒУРТА БОШ БОШҚАРМАСИНИНГ ЎРТА ОСИЁ БЎЛИМИ (Марказий Осиё бошқармаси СССР давлат суғуртаси)
Туркистон АССР Халқ Комиссарлари Советининг 1922 йил 21 июндаги декрети билан РСФСР Давлат суғурта бошқармасининг Ўрта Осиё бўйича ваколатхонаси ташкил этилди. 1925 йил 3 мартда Ўзбекистон ССР ва Туркманистон ССР бўйича СССР Давлат суғурта бошқармасининг ваколатхонасига айлантирилди, 1925 йил 25 майда эса СССР Давлат суғурта бошқармасининг Ўрта Осиё бошқармаси деб номланди. 1925 йил 14 октябрда ваколатхона фаолияти тугатилган.
ЎЗБЕКИСТОН ССР ҚИШЛОҚ ХЎЖАЛИГИ БАНКИ (ЎЗСЕЛХОЗБАНК)
СССР МИҚ ва ХКСнинг 1930 йил 30 январдаги кредит ислоҳоти тўғрисидаги фармони билан Марказий қишлоқ хўжалиги банки “Центроселбанк” Бутуниттифоқ қишлоқ хўжалиги кооператив-колхоз банкига, Ўзбекистон қишлоқ хўжалиги банки эса ушбу банкнинг филиалига айлантирилган.
САВДО-КООПЕРАЦИЯ КАПИТАЛ ҚУРИЛИШНИ МОЛИЯЛАШТИРИШ БУТУНИТТИФОҚ БАНКИНИНГ ЎЗБЕКИСТОН ССР БОШҚАРМАСИ (Торгбанкнинг Ўзбекистондаги ваколатхонаси)
СССР МИҚ ва ХКСнинг 1936 йил 17 августдаги фармони билан тугатилган Бутуниттифоқ Капитал қурилишни молиялаштириш банки (Всекобанк) негизида Бутуниттифоқ Капитал қурилишни молиялаштириш банки (Торгбанк) ташкил этилиб, унинг Ўзбекистон ССР бошқармаси ташкил этилган. “Торгбанк” Ўзбекистон филиалининг вазифаларига савдо ташкилотларининг капитал қурилиши ва бошқа инвестицияларини молиялаштириш ҳамда савдо кооперацияси ва ногиронлар кооперацияси ташкилотларини кредитлаш кирган. СССР Молия министрлигининг 1956 йил 3 сентябрдаги буйруғи асосида 1957 йил 1 январдан банк фаолияти тугатилган.
БУТУНИТТИФОҚ КООПЕРАТИВ БАНКИНИНГ ЎЗБЕКИСТОН ССРДАГИ ИДОРАСИ (ВСЕКОБАНКНИНГ ЎЗБЕКИСТОНДАГИ ВАКОЛАТХОНАСИ)
1932 йил 5 июлда ташкил этилиб, 1936 йил августда банк фаолияти тугатилган.
МАРКАЗИЙ ОСИЁ ТИЖОРАТ БАНКИ (СРЕДАЗКОМБАНК)
Ўрта Осиё тижорат банки СССР Меҳнат ва Мудофааа кенгашининг 1921 йил 31 январдаги қарорига асосан ташкил этилган. 1930 йил 1 апрелда СССР Ташқи савдо банкига қўшилиши муносабати билан банк фаолияти тугатилган.
СССР САВДО-САНОАТ БАНКИНИНГ МАРКАЗИЙ ОСИЁ ФИЛИАЛИ (Торгпромбанкнинг Марказий Осиёдаги ваколатхонаси)
Банк филаиали РСФСР Меҳнат ва Мудофааа кенгашининг 1922 йил 1 сентябрдаги қарори билан ташкил этилиб, 1927 йил декабрда тугатилган.
СССР ДАВЛАТ БАНКИНИНГ ЎРТА ОСИЁ БЎЛИМИ
РСФСР ХКСнинг 1921 йил 12 январдаги буйруғи билан РСФСР Давлат банки ташкил этилиб, ўша йилнинг ноябрь ойида унинг Ўрта Осиё бўлими очилган. 1923 йилда унинг номи СССР Давлат банкининг Ўрта Осиё бўлими деб ўзгартирилган.
Бутуниттифоқ Большевиклар Коммунистик партияси Марказий Қўмитаси ва СССР Халқ Комиссарлари Советининг 1934 йил 3 октябрдаги қарори билан банк фаолияти тугатилган.
ЎЗБЕКИСТОН ССР МОЛИЯ ХАЛҚ КОМИССАРЛИГИ (ЎзССР Наркомфин)
ЎзССР Инқилобий қўмитасининг 1921 йил 22 ноябрдаги қарори билан ташкил этилган.
