1918 yil 30 aprelda bo‘lib o‘tgan V Turkiston Sovetlari qurultoyida tashkil etilgan. 1924 yil 18 noyabrdagi Turkiston ASSR, BXSR va XXSR Markaziy Ijroiya qo‘mitalarining qo‘shma qaroriga asosan respublikalar Ijroiya Qo‘mitalari o‘z faoliyatlarini to‘xtatib, vakolatlarini O‘rta Osiyoda milliy-hududiy chegaralanish siyosati natijasida yangi tuzilgan respublikalarning Inqilobiy Qo‘mitalariga topshirgan.
Turkiston Respublikasi Sovetlari s’ezdining stenografik hisobotlari: VI (1918 yil oktyabr), VII (1919 yil mart-aprel), VIII (1919 yil sentyabr), IX (1920 yil sentyabr), X (1921 yil avgust), XI (1922 yil dekabr) va 1924 yil XII yanvar).
Turkiston ASSR Konstitutsiyasi (1918, 1920), Turkiston Markaziy Ijroiya
Qo‘mitasi (Turkiston MIQ)ning dekret, buyruq, qaror, farmoyish va
ko‘rsatmalari. Turkiston MIQ plenum va prezidiumining stenografik majlis
bayonlari va hisobotlari.
Turkiston MIQ a’zolarining ma’ruzalari va Yettisuv, Sirdaryo, Samarqand,
Orenburg, Kaspiyorti viloyatlarining iqtisodiy va siyosiy ahvoli
to‘g‘risida yuborilgan hisobot ma’ruzalar.
Turkiston ASSR xalq komissarliklarining hisobot ma’ruzalari.
RKP (b) (Bolsheviklar Ishchi kommunistlar partiyasi)ning III o‘lka
musulmonlari konferensiyasi bayonnomalari (6) (1920). Turkiston ASSR
delegatsiyasining IX Butunrossiya Sovetlar qurultoy majlisidagi
stenogrammasi (1921).
Volost, qishloq va ovul-qishloq sovetlari va ijroiya qo‘mitalari
qurultoylari, Turkiston ASSR Oliy Inqilobiy tribunali, Xalq
komissarliklari, musulmon xalq sudlari, “Qo‘shchi” ittifoqi va boshqa
tashkilotlarining Nizomlari. Turkiston ASSRning “Qo‘shchi” ittifoqining
Nizomi va dasturi.
Turkiston Respublikasining Buxoro xonligidagi vakolatli vakilining Buxoro
va Xivaning iqtisodiy ahvoli haqidagi ma’ruzasi (1919). Turkiston ASSR
sanoati va qishloq xo‘jaligini tiklash va yanada rivojlantirish bo‘yicha
hisobotlar, ma’ruzalar, ma’lumotlar va yozishmalar. Aloqa boshqaruvi
hay’ati yig‘ilishlari jurnallari, O‘rta Osiyo temir yo‘lining ahvoli
haqidagi ma’ruzalar.
Inqilobiy harbiy kengash majlis bayonnomalari va Turkiston fronti
shtabining buyruqlari; SSSR Qurolli Kuchlari Oliy Bosh Qo‘mondonining
Turkiston ASSR mahalliy mehnatkashlari va Turkfront inqilobiy Harbiy
kengashining Qizil Armiya milliy bo‘linmalari va milliy qo‘mondonlik
maktablarini tashkil etish masalalari bo‘yicha o‘tkazilgan majlis
bayonnomasi (1923).
Orenburg, Akto‘ba, Farg‘ona, Kaspiyorti va Yettisuv frontlaridagi vaziyat,
qurolli qarshilik harakatlari to‘g‘risidagi telegrammalar va tezkor
xabarlar, milliy ozodlik harakatlariga qarshi olib borilgan harbiy
operatsiyalar to‘g‘risidagi xabarlar va hisobotlar; Turkiston ASSR
Markaziy Ijroiya Qo‘mitasi Maxsus komissiyasi va Xalq Komissarlari
Sovetining qurolli qarshilik harakatlariga qarshi kurash chora-tadbirlari
to‘g‘risidagi bayonnomalar.
Butunrossiya Markaziy Ijroiya Qo‘mitasi va RSFSR Xalq Komissarlari
Sovetining Turkiston ishlari bo‘yicha O‘rta Osiyodagi komissiyasi a’zolari
M. V. Frunze va V. V. Kuybishevlarning yetakchi sovetlar partiyasidagi va
harbiy faoliyatiga oid materiallar.
Ichki va xalqaro vaziyat to‘g‘risida Moskvadan kelgan radiogramma va
operativ ma’lumotlar, Turkiston ASSR (1918 – 1920) holati to‘g‘risida
Matbuot byurosining axborot xabarlari.
Turkiston ASSR Xalq komissarliklarining Nizomlari, farmoyishlari, ish
rejalari va hisobotlari; Butunrossiya Markaziy Ijroiya Qo‘mitasi va RSFSR
Xalq Komissarlari Sovetining Turkiston ishlari bo‘yicha komissiyasi majlis
bayonnomalari; Ocharchilikka qarshi kurashish markaziy komissiyasining
qaror, farmoyish, sirkulyar, ko‘rsatma, ma’ruzalar va majlis bayonnomalar,
Qizil Armiyaga yordam ko‘rsatish Markaziy komissiyasi, Turkiston ASSR
muassasalari va shtatlarini ko‘rib chiqish komissiyasi va Turkiston MIQ
qoshidagi Madaniyat va ta’lim kengashlarining qarorlari, farmoyishlari,
sirkulyarlari, ko‘rsatmalari, ma’ruzalari va majlis bayonnomalari.
Turkiston ASSR MIQning ishchilar, Qizil Armiya askarlari va Sovet
ishchilariga mehnat va harbiy intizomni mustahkamlash to‘g‘risidagi
murojaatlari (1918); Turkiston ASSR MIQning Butunrossiya MIQ qoshidagi
Moskva vakolatxonasi va Turkiston MIQ komissiyasi bilan ma’muriy-hududiy
bo‘linish, aholi orasida rus maktablarini ommalashtirish,
siyosiy-iqtisodiy, moliyaviy-huquqiy va ma’muriy masalalar bo‘yicha
yozishmalar; Sovet apparatini soddalashtirish va xodimlarni qisqartirish,
aholini partiya va sovet hokimiyatini mustahkamlash ishlariga jalb qilish
chora-tadbirlari to‘g‘risida Turkiston ASSR muassasalari bilan
yozishmalar.
TASSRda xalq ta’limini tashkil etish to‘g‘risidagi Nizom, oliy o‘quv yurtlari, texnikumlar va kasb-hunar ta’limi maktablari xodimlari to‘g‘risidagi ma’lumotlar, o‘quv yurtlariga ishchilarni joylashtirish, xalq konservatoriyasi, san’at maktablari va Sharqshunoslik instituti faoliyati to‘g‘risida Turkiston MIQ Prezidiumi majlislari bayonnomalariga ilovalar, madaniyat va maorif ishlar bo‘yicha turli muassasalar va Turkiston ASSR Maorif xalq komissarligi bilan Madaniy yodgorliklarni muhofaza qilish, kitoblar nashr etish, maktablarni binolar bilan ta’minlash bo‘yicha yozishmalar, Pomirda maktablar tashkil etish, aholiga tibbiy va iqtisodiy yordam ko‘rsatish bo‘yicha yozishmalar (1923).
O‘rta Osiyo respublikalarining milliy-hududiy chegaralanishini belgilash
bo‘yicha ma’muriy-huquqiy komissiyasi va O‘zbekiston va Turkmaniston
milliy-hududiy chegaralarini belgilash byurolari majlis bayonnomalari.
O‘zbekiston va Turkmaniston SSR hamda Tojikiston avtonom viloyatining tarkibi, chegaralari va ma’muriy bo‘linishi to‘g‘risidagi ma’lumotlar; O‘zbekiston SSR shaharlari, posyolkalari, viloyatlari, okruglari va volostlarining ro‘yxatlari (1924).
