SSSR Xalq xo‘jaligi Oliy Kengashi Prezidiumining 1931 yil 13 sentyabrdagi farmoni bilan tashkil etilgan. Tashkilot nomi qisqartirilib “Soyuzsera” tresti deb yuritilgan. Trest O‘zbekistonda Sho‘rsuv, Turkmanistonda Qoraqum, Gaurdak va Aydan, Kavkazortidagi Gumur, Qrimda Chekur-Koyash konlarini birlashtirgan. 1936 yil dekabrda trest faoliyati tugatilgan.
SSSR Xalq xo‘jaligi Oliy Kengashi, Davlat Reja Komissiyasi, Og‘ir Sanoat xalq komissarligi va Kimyo sanoati Bosh boshqarmasi, Butunittifoq “Soyuzser” tresti, O‘zbekiston SSR va Turkmaniston SSR MIQning tog‘-kon sanoatida mehnatni tashkil etish haqidagi buyruqlari va farmoyishlari; trestning alohida konlarini boshqaruvi bo‘yicha buyruqlari.
Rangli metallurgiya korxonalari ishchilarining Butunittifoq konferensiyasining stenografik ma’ruzalari (1935), trest va tog‘-kon bo‘limlari boshqaruvi yig‘ilishlari, trest boshlig‘i bilan o‘tkazilgan yig‘ilishlar va bosh muhandis bilan o‘tkazilgan texnik yig‘ilishlar bayonnomalari; ishlab chiqarish rejalari, trest faoliyati to‘g‘risidagi hisobotlar (1932 – 1936 yillar), kapital qurilish rejalari (1933 –1935 yillar).
