1932 йил 5 июлда ташкил этилиб, 1936 йил августда банк фаолияти тугатилган.
СССР ва ЎзССР ХКСсининг, СССР, ЎзССР Молия Халқ Комиссарлигининг ва ЎзССР Давлат режа қўмитасининг капитал қурилиш, пахта тайёрлаш ва саноат кооперациясини молиялаштириш тўғрисидаги қарорлари.
“Всекобанк” бошқаруви йиғилишлари, “Всекобанк” ваколатли акциядорлари йиғилишлари, банк идораларининг бошқарувчилари ва кредит режалаштириш бўйича йиғилишлари баённомалари. “Всекобанк”нинг Ўзбекистон бўлимига буюртмалар, Ўзбекистон ССР саноат ва истеъмол кооперацияси тизимига ҳамда оғир ва енгил саноат корхоналарини маблағлаштириш режалари (1933 – 1934). “Всекобанк”нинг Ўзбекистондаги ваколатхонаси фаолияти тўғрисидаги йиллик ҳисоботлар ва иқтисодий шарҳлари (1932 – 1935); Ўзбекистондаги Бутуниттифоқ пахта тайёрлаш уюшмасининг йиллик хўжалик фаолияти ва молиялаштирилиш (1933 – 1934 йиллар) тўғрисидаги ҳисоботлар, Ўрта Осиё давлат трестлари ва кооператив бирлашмаларининг йиллик ҳисоботлари бўйича хулосалар, саноат маҳсулотларининг нарх-наволари.
