1918 йил 14 май куни Туркистон халқ университети ходимларининг биринчи умумий йиғилиши ўтказилди, унда Халқ Консерваториясини яратиш мақсадида 5 киши (Карелин, Кох, Миронов, Чериявский ва Савокич)дан иборат комиссия сайланган.
1918 йил 2 июль куни халқ консерваториясини ташкил этиш бўйича Комиссия йиғилишида Туркистон халқ университети Бошқаруви Ташкилий комиссия аъзоларини Халқ Консерваторияси Бошқаруви аъзолари бўлиб ҳисобланишни таклиф этди. Бу орган бир мунча кенг ҳуқуқ ва ваколатларга эга бўлиши кўзда тутилган.
1918 йил 22 ноябрдаги Туркнаркомпрос Ҳайъати Қарори билан консерватория Бошқаруви тарқатиб юборилган ва барча консерваторияларни юритиш учун Хайъат ташкил этилган. Туркистон халқ консерваторияси Ҳайъатига Халқ консерваторияси низоми мусиқа мактаби сифатида лойиҳасини ишлаб чиқиш ва тақдим этиш юклатилган.
Мазкур Низом 1919 йил 16 августда Туркистон Республикаси халқ таълими Комиссарлиги томонидан мақсадга мувофиқ эмаслиги кўрсатилиб бекор қилинган.1920 йил 10 августда Туркистон Республикаси Какомпром Ҳайъати томонидан тасдиқланган Туркистон давлат консерваторияси тўғрисида вақтинчалик низом ишлаб чиқилган.
Туркистон давлат консерваторияси Туркистон мусиқа техникуми деб қайта номланган ва профессионал мусиқа мактаби мақомини олган.
Бутунроссия Марказий Ижроия қўмитаси Президиуми Қарори, (бошқарув, ҳайъат, кенгаш) мажлислари қарорлари, буйруқлар, декретлар, смета, низом, ёзишмалар, далолатномалар, журналлар, ўқитувчи ва ўқувчилар рўйхатлари, хатлар, аризалар, анкеталар, гувоҳномалар, оркетлар тўғрисида, опералар постановкаси тўғрисида, ўқув дастурлари ва бошқалар.
