1918 йилдан Туркистон АССР Халқ меҳнат комиссарлиги ҳузурида ижтимоий таъминот бўлими мавжуд бўлган. 1919 йил ноябрда Халқ меҳнат комиссарлиги Халқ меҳнат ва ижтимоий таъминот комиссарлиги деб қайта номланган, 1920 йил 6 августда эса Ижтимоий таъминот Халқ Комиссарлиги ташкид этилган. 1924 йил Ўрта Осиёнинг миллий-ҳудудий чегараланиши ислоҳати натижасида унинг фаолияти тугатилган.
РСФСР Марказий Ижро қўмитаси, Халқ Комиссарлари Кенгаши ва Туркистон АССР меҳнат ва ижтимоий таъминот масалалари бўйича Халқ Комиссарлари Кенгаши қарорлари; Туркистон АССР Ижтимоий таъминот Халқ Комиссарлиги буйруқлари, йўриқномалари ва циркулярлари. Ижтимоий таъминот Халқ Комиссарлиги ва ижтимоий таъминот вилоят бўлимлари мажлислари баённомалари. Пенсия ва моддий таъминот тўловлари бўйича маърузалар, ҳисоботлар, статистик маълумотлар ва ёзишмалар.
