ХОРАЗМ ХАЛҚ СОВЕТ РЕСПУБЛИКАСИ ИҚТИСОДИЙ КЕНГАШИ (ХНСР ЭКОСО) Хива ш.
1921 йил июнда тузилган, 1924 йил ноябрда тугатилган.
ХОРАЗМ ХАЛҚ СОВЕТ РЕСПУБЛИКАСИ САВДО ВА САНОАТ НОЗИРЛИГИНИНГ БУХОРО ХАЛҚ СОВЕТ РЕСПУБЛИКАСИДАГИ ВАКОЛАТХОНАСИ Чоржўй ш.
1922 йил июлда Бухоро Халқ Совет Республикаси билан Хоразм Халқ Совет Республикаси ўртасида иқтисодий келишув тузилган (Фонд: Р-73, 1-руйхат, 1-йиғмажилд 13, 71-варақлар). Келишувга кўра, икки томон ўртасида эркин савдо муносабатлари ўрнатилган. Икки республикадан транзит билан чет давлатларга олиб ўтиладиган товарлар ҳар қандай солиқ ва йиғимлардан озод қилинган. Тез орада Чоржўйдаги савдо агенти Хоразм Халқ Совет Республикаси Савдо ва Саноат Нозирлиги Ваколатхонасига алмаштирилган. 1 сентябрдан нозирлик идораси 3 нафар ходим штат бирлигида ўзининг Чоржўйдаги бўлинмасини очди (Фонд: Р-75, 1-рўйхат, 1-йиғмажилд, 40, 154-варақлар). 1923 йил бошида Чоржўй бўлинмаси Бухоро Халқ Совет Республикасидаги Хоразм Халқ Совет Республикаси Савдо ва Саноат Нозирлиги Ваколатхонаси деб қайта номланган. Июль ойида нозирлик бўлинмаси тугатилган бўлса-да, Бухоро Халқ Совет Республикасидаги Хоразм Халқ Совет Республикаси Савдо ва Саноат Нозирлиги ваколатхонаси номи сақланиб қолган. 1923 йил 1 сентябрдан Хоразм Иқтисодий Кенгаши ҳузуридаги савдо ва саноат бўлимидан янги вакил тайинланган.
