Ўзбекистон ССР Марказий Ижроия Қўмитасининг 1925 йил 2 декабрдаги Фавқулодда сессиясининг қарори билан ташкил этилган. Ўзбекистон ССР Марказий Ижроия Қўмитасининг 1927 йил 3 августдаги қарори билан тугатилган.
Ўзбекистон ССР MИҚнинг ер-сув ислоҳоти бўйича туман ва вилоят комиссияларини ташкил этиш тўғрисидаги фармонлари ва уларнинг иши бўйича кўрсатмалар. Ер ислоҳоти бўйича марказий комиссия мажлисларининг баённомалари. Ўзбекистон вилоятларида ер-сув ислоҳоти, беклардан ортиқча ерларнинг тортиб олиниши, ислоҳот муносабати билан қишлоқларда синфий курашнинг кескинлашуви ҳақидаги маъруза ва маълумотлар; шикоятлар ва ер-сув низоларини кўриб чиқиш бўйича ёзишмалар.
