Бухоро Халқ Совет Республикаси Халқ Нозирлари Совети
1920 йил 8 сентябрда ташкил қилинган. Ўрта Осиёнинг миллий чегараланиши муносабати билан ТурМИҚ, БухМИҚ ва ХорМИҚ нинг қўшма қарорига кўра 1924 йил 18 ноябрда тугатилган.
Бухоро Халқ Совет Республикаси Ички ишлар халқ нозирлиги.
1920 йил сентябрда ташкил этилган. БХСР ички бошқарувга оид марказий маъмурий орган эди; асосий вазифалари: марказий ва маҳаллий ҳокимиятнинг маъмурий характердаги қарорлари ва фармойишларининг бажарилишини назорат қилиш, милицияни бошқариш, чет элликларнинг ҳуқуқий ҳолатини тартибга солиш. Ўрта Осиёнинг миллий чегараланиши муносабати билан 1924 йил ноябрда тугатилган.
Бухоро Халқ Совет Республикаси Ташқи ишлар халқ нозирлиги.
1920 йил сентябрда ташкил этилган. 1924 йил 18 ноябрда тугатилган.
Бухоро Халқ Совет Республикаси Халқ маориф нозирлиги
1920 йил 15 сентябрда ташкил этилган, 1924 йил 17 ноябрда тугатилган.
Бухоро Халқ Совет Республикаси Марказий вақф бошқармаси
1920 йил октябрда БХСР Халқ Маориф Нозирлиги қошида Вақф бўлими ташкил этилди. 1921 йил 7 июлда БХСР Марказий вақф бошқармаси деб номланди. 1924 йил 10 декабрда тугатилган.
БХСР Халқ хўжалиги Олий Кенгаши ҳузуридаги Марказий молия бошқармаси
1920 йил сентябрда БХСР Молия нозирлиги тузилди; 1922 йил 22 августдаги БХСР советларининг 3-қурултойининг қарори билан БХСР Халқ хўжалиги Олий Кенгаши ҳузуридаги Марказий молия бошқармаси қайта ташкил этилди, 1924 йил ноябрда тугатилди.
Бухоро Халқ Совет Республикаси Давлат назорати халқ нозирлиги
Бухоро Халқ Совет Республикаси Қишлоқ хўжалиги халқ нозири
Бухоро Халқ Совет Республикаси Қишлоқ хўжалиги вазирлиги ҳузуридаги Сув хўжалиги бошқармаси
1920 йил сентябрда ташкил этилган, 1924 йил 17 ноябрда тугатилган.
Бухоро Халқ Совет Республикаси (БХСР) Савдо ва саноат халқ нозирлиги (БХСР Торгпром).
1921 йил 13 мартда БХСР Озиқ-овқат, савдо ва саноат нозирликлари ва Бухтекстилнинг бирлашиши натижасида БХСР Иқтисодий нозирлиги тузилиб, шу йили унинг номи Халқ савдо-саноат нозирлиги деб ўзгартирилди (БХСР Торгпром). 1924 йилда тугатилган.
Бухоро Халқ Совет Республикаси ишлари бўйича Марказий ликвидация комиссияси (Бухликвидком).
БХСР МИҚ 1924 йил 18 ноябрдаги V чақириқ 2-сессияси қарори билан собиқ БХСР муассаса ва корхоналарининг мулкий қийматларини тақсимлаш мақсадида ташкил этилган. 1925 йил бошида у ўз фаолиятини тўхтатди.
БУХОРО ХАЛҚ СОВЕТ РЕСПУБЛИКАСИ ДАВЛАТ ПРОКУРОРИ Бухоро ш.
Мазкур фонднинг ташкил топиш ва тугатилиш санаси кўрсатилмаган. Фонд таркибида 1921 – 1924 йилларга оид ҳужжатлар сақланган.
БУХОРО ХАЛҚ СОВЕТ РЕСПУБЛИКАСИ ОЛИЙ ИНҚИЛОБИЙ ТРИБУНАЛИ Бухоро ш.
1920 йил 2 сентябрда БХСР Марказий Ижроия Қўмитаси қошида Бухоро Халқ Совет Республикаси трибунали ташкил этилган. 1923 йил 2 апрелдан Бухоро Халқ Совет Республикаси Олий инқилобий трибуналига айлантирилиб, 1924 йилда унинг фаолияти тугатилган.
БУХОРО СОВЕТ ХАЛҚ РЕСПУБЛИКАСИ АДЛИЯ КОМИССАРЛИГИ ХАЛҚ НОЗИРЛИГИ
1920 йил 31 сентябрда Бухоро шаҳрида ташкил этилиб, 1924 йил 27 ноябрда тугатилган.
