ХОРАЗМ РЕСПУБЛИКАСИДАГИ ТУРКИСТОН ФРОНТИ ҲАРБИЙ-ОЗУҚА ТАЪМИНОТИНИНГ ВАКОЛАТЛИ БОШҚАРМАСИ
Туркистон фронтларидаги ҳарбий-озуқа таъминоти Ваколатли Бошқармаси 1921 йил 7 майда Хива шаҳрида ташкил этилиб, 1922 йилда тугатилган.
ЎзССР Ички Ишлар Министрлиги Архив ишининг 1956 йил 26 июлдаги фармойишига мувофиқ, ушбу ташкилот ҳужжатлари ЎзССР Октябрь инқилоби Марказий давлат архиви (Ўзбекистон Миллий архиви)га ўтказилган.
ХОРАЗМ ХАЛҚ СОВЕТ РЕСПУБЛИКАСИ ИНҚИЛОБИЙ ҲАРБИЙ КЕНГАШИ
1920 йилда Хивада Хоразм Халқ Совет Республикаси Инқилобий ҳарбий кенгаши вақтинчалик инқилобий ҳуқумат сифатида таъсис этилган. Хоразм Халқ Совет Республикаси Инқилобий ҳарбий кенгаши, ҳарбий қисмлар, бошқармалар, муассасалар ва ҳарбий идора ташкилотларини бошқариш, назорат қилиш, бирлаштириш учун, республика қўшинларини сиёсий тарбиялаш ва мамлакат Мудофаааси бўйича масалаларни ишлаб чиқиш учун таъсис этилган. Кенгаш 1923 йилда тугатилган.
ХОРАЗМ ҚЎШИНЛАР ГУРУҲИ ШТАБИНИНГ 1-ХОРАЗМ КАВАЛЕРИЯ ПОЛКИ ШТАБИ
1920 йил 13 апрелда Хива шаҳридаги Кукер жангчилар гуруҳидан алоҳида Хоразм Кавалер дивизиони шакллантирилган, шу йилнинг ўзидаёқ, дивизион 1-Хоразм кавалер полкига айлантирилган. Хоразм Республикаси қўшинлар гуруҳи таркибига киритилган, Даргон-Отин фронтидаги Кўҳна Урганч остонасида, Қўнғирот, Ғулом ва Иляда қуролли қаршилик ҳаракатларига қарши иштирок этган.
